Warning: Tatlong araw naipon

Ah, nga pala, itong nakaraang linggo, nakailang tambay ako. Wala lang. Masaya rin palang umaalis alis. Di naman kailangan na may malaking pera. Nagpapasalamat na lang ako at may kaklase/kaibigan akong tulad kong nababagot din sa bakasyon. Sino ba kasing nagsasabing masarap ang mahabang bakasyon?! Hehe. Joke lang. Pero kapag ganitong wala namang pakialamanan sa pamilya at may mga kanya kanyang lakad tapos wala ka pang pera, hindi talaga masarap ang bakasyon. Mas masarap pa ngang magbakasyon kapag may pasok. Diba?

Pero teka, ang kwento ko nga, yung tambay na ginawa ko kailangan din pala ng pera, kasi nagkape kami. Alam mo na, boring na buhay ko 'tong, manigarilyo hanggang mahilo, magbasa hanggang antukin at magkape hanggang bumilis ang tibok ng puso. Sa ganun, masaya na ako. Kaya, ulit, nagpapasalamat ako sa mga taong nakasama ko sa patambay tambay, tska yung nanlibre sa'kin ng kape. Nung nakaraang Huwebes ng hapon, after lunch lang no'n kaya walang walang tao sa kapehan na 'yon. Ang sarap upuan ng lahat ng bakanteng upuan, na ginawa nga namin. Nakita ko nga rin pala si L no'n. Dinaanan n'ya raw yung mga tropa n'yang nando'n din pala. Nagkataon na tropa n'ya yung lalaking katapat ko na pinagpapakyutan ko. Since, naisip kong na-Friendzoned na ako ni L, okay na magkakrad na sa tropa n'ya. Hehe! Pero di nya nga pala ako pinansin dahil di raw nya ko nakita. Mga palusot. Tsk.

No'ng Biyernes naman, prente lang akong nakahiga sa bahay nang nagtext ang ate ko ng ganito:
"May favor ako sa'yo, ibili mo ako sa Conti's sa ATC ng cream puffs at cheese puffs, ibibili kita ng libro sa PB. Deal?"
Syempre pumayag ako! Kahit malayo at mahirap ang papunta sa ATC mula sa'min, go lang. Pero kung walang kasamang libro yun, di ako papayag. Pero pagpunta ko ng sa PB, wala naman yung mga libro na gusto ko, parehong soldout, sakto namang nagtext ang isang "old friend" ko, Hi Debbie! Magkapr raw kami dahil nasa Biñan s'ya. Sino ba naman ako para tumanggi? Eh kape na ang lumalapit. Hahaha. Anyways, inuwi ko muna yung pinabili ni ate at nagkita kami sa nasabing kapehan. Nagkwentuhan, nagtawanan, nagbigayan ng payo at nagyosi ng madami. Ang daldal ko na naman. Nakita ko sa kabilang table yung kaklase ni L na parati n'yang kasama, sumusulyap s'ya sa'kin, di ko alam kung may gusto sya sa'kin o kilala n'ya ako. Hehe! Duh. Baka naikukwento ako ni L? Asa. Tsk tsk.

At eto ngang Sabado, kahapon lang, nagyaya ulit yung kaklase/kaibigan kong tumambay sa pathway ng Gym sa school. As of now, favorite place on Earth ko yung pathway na yun, next yung kapehan. Nagkwentuhan-slash-photoshoot kuno-slash-sight seeing lang kami. Akala ko kasi wala kaming masyading madadatnang mga tao dahil bukod sa wala pang pasok, Sabado pa. Kaso may workshop pala na ginganap sa Gym. Dance workshop. Umasa akong baka makakita ng maide-date na dancer dahil nasa Bucket List ko yun. Hahaha. Pero joke lang. Nagyosi na naman ako at kumain ng madaming yelo. Apat na oras kaming nandoon lang. May tumawag pala sa'kin no'n, akala ko di na ko kokontakin ulit. Mga lalaki talaga, kapag nakuha na ang gusto, biglang mawawala. Pero nung mga umpisa namang hindi ko pinapansin, ang kulit kulit. Tsk tsk tsk.

Balem nagkwento lang ako dahil pakiramdam ko obligado ako at daoat lang may mapaglabasan. Masaya kasi, tapos puro kape pa. May pasok na ulit bukas. :3