Hiling ng isang kuting.

'Di ko sinasadya ang mga nangyari. Hindi ko alam na ang pagsunod ko sa bawat sasabihin ng ibang tao, makakasama din pala sa buhay ko. Ipipilit kp pa bang ipagpatuloy ang isang bahagi ng buhay ko na alam kong nagsara na? Natapos at naglaho na lang basta? Hinihiling ko na siya na nga. Siya lang. Wala nang iba.

'Yun lang ang tanging hiling ko. Ang makahanap ng totoong pag-ibig. Ang makadama ng purongpag-ibig at walang halong bola. Salat man ako sa kayamanan at kakayahan, tanging pag-ibig lang ang maipagmamalaki kong mayaman ako. Pag-ibig na buong-buo ko ibinibigay. Walang itinitira para sa sarili. Patapon na buhay, na tanging ikaw lang ang nagbibigay ng ilaw. Pero sabi nga nila, walang permanente sa buhay na ito. Kaya naman pati ikaw, naglaho.

Patuloy ako sa pangangarap na makahanap ng isang tunay na pag-ibig. Hindi man mapantayan ang kaya kong isakripisyo, eh masusuklian at papahalagahan ako. Matatanggap kung sino ako, makikita ang tunay na ako. Mamahalin ang buong pagkatao ko.

Umaasa ako. Dahil malaki ang tiwala ko.